Kiraka Said Juma Makapu amesema mkongwe Kelvin Yondani amekuwa na mchango mkubwa kumfanya awe mlinzi bora na sasa kupata nafasi kwenye kikosi cha kwanza
March 08 Makapu aliwashangaza wengi baada ya kupangwa kwenye kikosi cha kwanza kwenye mchezo dhidi ya Simba ambao wengi walitegemea Yondani angeanza na Lamine Moro
Katika mchezo huo, Makapu alicheza vizuri kwani alifanikiwa kuwadhibiti washambuliaji vinara wa Simba John Bocco na Meddie Kagere
Makapu amefichua kabla ya mchezo huo Yondani alimpa mbinu za kuweza kuwadhibiti washambuliaji hao pamoja na kumtaka ahakikishe anatumia vyema nafasi ya kuaminiwa aliyopewa na kocha Luc Eymael
"Yondani aliniambia ile ilikuwa siku muhimu kwangu, nisitishwe na majina ya wachezaji wa Simba nihakikishe natumia vyema nafasi hiyo niliyopewa na kocha. Na hata baada ya mchezo, Yondani alinifuata na kunipongeza kuwa nimecheza vizuri," alisema Makapu
"Nimekuwa nikijituma kuhakikisha nafanya vizru lakini nimekuwa nikiwaangalia Yondani na Moro wanapocheza pamoja nami kujifunza mambo kadhaa kutoka kwao"
Makapu amekuwa na kiwango bora tangu aliporudishwa safu ya ulinzi wa kati na sasa amepata nafasi ya kujumuishwa kikosi cha timu ya Taifa na kocha Etienne Ndayiragije
