Nyota wa zamani wa Yanga Boniface Ambani amesisitiza kuwa timu hiyo ilifanya makosa kumsajili mshambuliaji Yikpe Gnamien raia wa Ivory Coast bila ya kumfanyia majaribio
Yikpe alisajiliwa na Yanga kwa mkataba wa miaka miwili akitokea klabu ya Gor Mahia ambako alivunja mkataba baada ya kudumu kwa miezi mitano tu
Kabla ya nyota huyo kupewa mkataba, Ambani ambaye ni mchambuzi wa soka huko Kenya, aliwashauri mabosi wa Yanga wasiingie kichwa kichwa kwa kumsajili nyota huyo bila ya majaribio
Mpaka sasa Yikpe ameshindwa kuonyesha makali na uongozi wa Yanga inaelezwa unafikiri kuvunja mkataba wake mwishoni mwa msimu
Lakini pia makosa yalifanyika kwa kumpa mkataba wa muda mrefu wakati mtu kama Bernard Morrison alipewa mkataba wa miezi sita tu
Haya ndio makosa ambayo Yanga inapaswa kutoyarudia kwenye usajili unaokuja
