Viogozi wa Matawi ya Yanga jijini Dar es Salaam wamemtaka Mwenyekiti Dk Mshindo Msolwa kuhakikisha anawachukulia hatua viongozi wa kamati ya utendaji waliosababisha GSM wajiondoe kabla ya mwafaka kupatikana na kuridhia kurudi
Juzi GSM walitangaza kujiondoa kuisaidia Yanga kwa masuala waliyokuwa wakifanya ambayo yako nje ya mkataba wao
Mratibu wa matawi ya klabu hiyo, Kais Edwine alisema wao wapo pamoja na GSM hivyo DK Msolwa awachukulie hatua wahusika haraka iwezakanavyo.
Kais alisema matawi hayatakubali kuona mtu au kundi la watu wanamuhujumu GSM kwa maslahi yao binafsi.
"Hao viongozi waliofanya hivyo kama wao wanaona namna gani waondoke Yanga ila wamuache GSM anayejitolea kwa mapenzi ya dhati"
Aidha wamemtaka Dk Msolwa asipochukua hatua basi wao watashinikiza mkutano wa dharura ili wakafanye uamuzi ya kuwaondoa.
