Inaelezwa ile ishu ya kocha wa Kagera Sugar Meckie Mexime kujiunga na Yanga kila kitu kimekamilika na nahodha huyo wa zamani wa timu ya Taifa atajiunga na mabingwa hao wa kihistoria baada ya msimu huu kumalizika
Hivi karibuni Mexime alifichua kuwa alikabidhiwa mkataba wa Yanga tangu mwezi Disemba 2019 lakini alikuwa akisubiri kukamilishwa kwa mambo kadhaa kabla ya kuusaini
Aidha, Mexime amebainisha kuwa Kagera Sugar walimuomba pamoja na uongozi wa Yanga aendelee kubaki na timu hiyo mpaka mwishoni mwa msimu
"Kagera Sugar walikuwa na wasiwasi kama ningeondoka sasa timu ingeweza kuvurugika. Lakini ukweli ni kwamba kila kitu kilikamilika muda mrefu, ni heshima tu mimi kuendelea kuinoa Kagera Sugar," amefunguka Mexime
Kwa sasa Yanga inanolewa na Luc Eymael akiwa kocha mkuu na Charles Mkwasa 'Master' akiwa kocha msaidizi
Kama Mexime atatua Yanga, Mkwasa atampisha kwenye nafasi ya kocha msaidizi na yeye kuwa Mkurugenzi wa ufundi
