Kama angekuwa ni mchezaji wa kukata tamaa pengine nahodha msadizi wa Yanga Juma Abdul asingeendelea kuonekana ndani ya uzi wa kikosi cha Yanga
Wakati wa kocha Mwinyi Zahera Abdul hakuwa na nafasi kabisa kwenye kikosi cha kwanza
Ukiondoa changamorto ya majeruhi, Mcongomani huyo hakuwa akimuamini kabisa Abdul
Mara kwa mara Zahera alitaja sababu ya kutomtumia Abdul kuwa hakuwa 'fit' na uzito ulikuwa umemzidi
Mwanzoni mwa msimu hasa baada Paulo Godfrey 'Boxer' kuumia, Zahera alidirika hata kumtumia Mapinduzi Balama nafasi ya ulinzi wa kulia licha ya kuwa kwenye benchi alikuwa na Juma Abdul
Mcongomani huyo alianza kumtumia Abdul baada ya presha kubwa ya mashabiki na pale alipoondolewa mwezi Novemba 2019, Mkwasa alimhakikishia Abdul nafasi kwenye kikosi cha kwanza
Tangu wakati huo, Abdul amekuwa nguzo muhimu ya Yanga akiwa kinara wa kutoa pasi za mabao (pasi 5)
Lakini pia takwimu zinaonyesha ndiye mchezaji aliyecheza dakika nyingi zaidi kwenye kikosi cha Yanga msimu huu akifuatiwa na Mghana Lamine Moro
Kama leo mashabiki wa Yanga watapiga kura ya kuchagua mchezaji bora wa msimu wa mabingwa hao wa kihistoria kwa kuangalia mchango wa kila mchezaji, Abdul au Lamine mmoja angestahili kushinda tuzo hiyo
