Kiungo wa Yanga Haruna Niyonzima amewataka wananchi kuzingatia kujilinda na maambukizi ya virusi vya COVID-19 ambavyo vinasababisha ugonjwa wa corona
Nahodha huyo wa timu ya Taifa ya Rwanda amesema kulinda afya ndio jambo muhimu zaidi ambalo kila mmoja anapaswa kuzingatia wakati huu
"Kwa sasa mambo mengi yamesimama duniani kutokana na ugonjwa huu wa corona, tunapaswa kuwa makini na kuzingatia yote tunayoelekezwa ili kujikinga na ugonjwa huu," amesema
"Mimi binafsi nimekuwa nikichukua tahadhari, nafanya mazoezi binafsi ili kuwa tayari kurejea uwanjani pale changamoto hii itakapokuwa imemalizika"
"Tuomba Mwenye ez Mungu amalize janga hili ili tuweze kurudi mapema kuwapa furaha mashabiki wetu"
Niyonzima alitua Yanga kwenye usajili wa dirisha dogo. Kwa kiasi kikubwa, amechangia kuifanya Yanga ionekane kuwa bora tangu alipotua mwezi Januari
