Pamoja na nahodha Papy Tshishimbi kufanya vyema eneo la kiungo mkabaji, kocha Luc Eymael ametaja sababu ya kusajili kiungo mkabaji mwingine
Inaelezwa Yanga iko karibu kumsajili kiungo wa Rayon Sport Ally Niyonzima huku mabingwa hao wa kihistoria wakihusishwa na nyota wa Mtibwa Sugar Abdulkarim Humud
Eymael amesema anahitaji kiungo ambaye anamudu vyema nafasi hiyo kwani waliopo wana changamoto ya kusahau majukumu yao ambayo ni kuilinda safu ya ulinzi
"Msingi wa timu siku zote unaanzia chini, nikimaanisha namba sita ambaye kama yeye akishindwa kutimiza majukumu yake vizuri, basi lazima makosa yatakuwa mengi golini kwetu"
"Kama umekuwa ukifuatilia mechi ambazo tumekuwa tukipoteza makosa mengi yamekuwa yakifanywa na viungo wakabaji namba sita wamekuwa hawatimizi vema majukumu yao ya uwanjani"
"Hivyo, basi nimepanga kusajili kiungo mkabaji mmoja mwenye uwezo mkubwa wa kucheza nafasi hiyo ya kiungo ambaye hatakuwa akihama katika eneo lake la katikati," Eymael amenukuliwa na gazeti la Championi
Eymael amefichua mpango wake wa usajili ambapo Mbelgiji huyo amepanga kusajili wachezaji 10 wapya, wanne wakiwa wa kigeni
