Serikali imeliagiza Baraza la Michezo la Taifa (BMT) kuhakikisha kunakuwa na ukomo wenye tija kwa wachezaji wa kigeni wanaokuja kusakata kabumbu nchini
Akiwasilisha Bajeti ya Wizara yake jana, Waziri mwenye dhamana ya Michezo Dk Harrison Mwakyembe alisema pamoja na TFF kuruhusu usajili wa wachezaji wa kigeni mpaka 10, lakini ni wachezaji wachache ambao wana ubora akiwatolea mfano Faroukh Shikhalo, Bernard Morrison, Paschal Wawa na Meddie Kagere wa vilabu vya Yanga na Simba
Dk Mwakyembe amesema Yanga na Simba zinaongoza kwa kusajili wachezaji wengi wa kigeni, wanapaswa kuwa na ukomo wa wachezaji hao kwani hata sasa idadi kubwa ya wachezaji waliowasajili hawawatumii
Waziri ameiagiza BMT kutengeneza kanuni ambayo itawezesha kuimarisha uwezo wa wachezaji wa ndani
