Mshambuliaji wa Yanga Ditram Nchimbi 'Duma' amesema anaendelea kujifua ili kuendeleza makali yake pale ligi itakaporejea
Nchimbi amefichua kuwa anafanya mazoezi mara tatu kwa siku
"Wakati huu kwangu ni muhimu kufanya mazoezi ili kulinda kipaji changu ukizingatia kwamba kazi yangu ni mpira, ninafanya mazoezi mara tatu kwa siku ila ninachukua tahadhari pia"
"Program ya mwalimu inatutaka tufanye zoezi mara moja ila wakati mwingine ninajiongeza kwa kufanya zaidi ili kuwa bora kikubwa ni umakini pamoja na tahadhari," amesema
Nchimbi alitua Yanga usajili wa dirisha dogo akitokea klabu ya Azam Fc lakini akicheza Polisi Tanzania kwa mkopo
Tangu atue Yanga amefunga mabao mawili na kutoa pasi mbili za mabao
Kabla ya ligi kusimama, Nchimbi ndiye aliyekuwa mshambuliaji chaguo la kwanza kwenye kikosi cha mabingwa hao wa kihistoria
Wakati mwingine kocha Luc Eymael humtumia kama winga, kwani ni mchezaji anayeimudu vyema nafasi hiyo
