Msimu uliopita kiungo fundi wa Yanga Feisal Salum 'Fei Toto' alifunga moja ya mabao ya msimu kwenye mchezo dhidi ya Ruv Shooting akiachia kombora kali je ya 18
Lakini pia, kwenye msimu huo, alifunga bao jingine bora kwa mpira wa adhabu katika mchezo dhidi ya KMC
Mabao yote hayo aliyafunga kwa makombora ya nje ya 18
Fei Toto amefichua kuwa uwezo wa kupiga mashuti makali haukuja kwa bahati bali amekuwa akifanya mazoezi ya kupiga mashuti mara kwa mara
Kiungo huyo mnyumbufu amesema kuwa amejiwekea utaratibu wa kufanya mazoezi ya kupiga mashuti mara tatu kwa wiki
"Moja ya mazoezi ambayo huwa napendelea kuyafanya kwa wiki mara tatu ni kupiga mipira nje ya kumi na nane na huwa nafanya hivyo mara kwa mara ili nijiweke Sawa kwenye ufundi wa upigaji wa namna hiyo"
"Mazoezi hayo yanachangiwa kuweka sawa uwezo wangu wa kupiga mashuti. Hii yote ni kujiweka tayari muda wote pindi nafasi ikitokea na niweze kutumia nafasi na nipate magoli ili niweke rekodi ya magoli ya mbali," amesema Fei Toto
Fei Toto yuko visiwani Zanzibar akiendelea na mazoezi binafsi wakati huu ambao ligi imesimama kutokana na janga la corona
