Kiungo mshambuliaji wa Yanga Bernard Morrison amesema jambo muhimu kwa mashabiki wa soka nchini ni kuendelea kujilinda na corona huku wakimuomba Mungu aweze kuliondoa janga hilo ili maisha yarudi kama zamani
Morrison raia wa Ghana aliyetua Yanga mwezi Januari kwenye usajili wa dirisha dogo, ameeleza kuzikumbuka shamrashamra za mashabiki wa Yanga
Morrison amekiri kuwa Yanga ni klabu yenye mashabiki wenye upendo na 'wazimu' wa soka
"Kwa kweli natamani ugonjwa huu umalizike tuweze kurejea uwanjani kuwapa furaha mashabiki wetu. Nimekumbuka sana ukarimu, shangwe lao kila mara tuliposhuka uwanjani," amesema
"Muhimu kwa kila mmoja wetu aendelee kumuomba Mungu maisha ya kawaida yarejee baada ya hili janga na turudi kufanya kazi ili mashabiki na wapenda soka wafurahie"
Morrison amejitengenezea heshima ya kipekee katika soka la Tanzania kwa muda mfupi kutokana na umahiri wake
Lakini pia tukio la kuwatungua Simba March 08 limemfanya kuwa mchezaji maarufu na anayezungumzwa zaidi na mashabiki wakati huu ambao ligi zimesimama
