Afisa Mkuu wa FIFA anaeshughulika na mambo ya Afya Dr Michel D'Hooghe amesema haoni kama ligi mbalimbali duniani zitarejea kabla ya Mwezi September Mwaka huu
Dk Michel amesema pamoja na juhudi zinazofanyika katika nchi mbalimbali ili ligi hizo zirejee kutokana na hofu la anguko la kiuchumi kwa vilabu, lakini anaona kulinda afya ndio jambo muhimu zaidi kupindi hiki
"Naona juhudi zinafanyika ili ligi ziweze kuendelea kwa kuhofia anguko la kiuchumi kwa vilabu na mashirikisho, lakini tunapaswa kuliangalia suala la afya na uhai kwa ukaribu zaidi kuliko suala la pesa"
"Ni kweli Kuna Wakati tulitakiwa tuchague pesa au afya na upande wa Pesa ukashinda lakini kwa Sasa naamini upande wa Afya na Uhai utashinda," amesema
Dunia iko katika taharuki kubwa juu ya kuenea kwa Virusi vya Corona vinavyosababisha ugonjwa wa Covid 19 na Michezo mbalimbali Duniani ikisimama
