Kocha Mkuu wa Yanga Luc Eymael amesema mapendekezo yake ya usajili yamezingatia maeneo ambayo yana mapungufu tu, na sio kusajili wachezaji wengi
Eymael ambaye bado amekwama huko Ubelgiji kutokana na changamoto ya janga la corona, amesema ameridhishwa na viwango vya wachezaji wengi aliowakuta hivyo marekebisho atakayofanya sio makubwa
"Nimewasilisha ripoti ambayo ina mahitaji kwa nafasi husika, huwezi kubomoa kikosi kwa kiwango kikubwa, timu ni nzuri na inahitaji maboresho kidogo tu hivyo nikipata wachezaji saba bila shaka nitakuwa na kikosi imara sana msimu ujao," Eymael aliuambia mtandao rasmi wa klabu ya Yanga
Hata hivyo Eymael amesema michakato yote ya usajili itawekwa hadharani pale dirisha la usajili litakapofunguliwa, kwa sasa hawezi kuweka hadharani majina ya wachezaji aliopendekeza wasajiliwe
"Kwa sasa hatuzungumzii usajili, tunazungumzia mapendekezo tu, kwa hiyo nimewasilisha kwa uongozi na ninaamini wao watafuatilia kwa kila mchezaji kwa mujibu wa taratibu za usajili ili kuona nani tunaweza kumpata na nani hatuwezi na mbadala wake atakuwa nani"
Eymael amedhamiria kukisuka upya kikosi cha mabingwa hao wa kihistoria kipiga hesabu ya kutwaa ubingwa msimu ujao
