Maoni yaliyokusanywa na mtandao wa Goal yamebainisha kuwa wasomaji wengi wa mtandao huo wanaamini kuwa winga wa Yanga Mrisho Ngasa ndiye mchezaji bora wa Taifa Stars mpaka sasa
Mtandao huo umeonyesha kuwa Ngasa ni mchezaji mkubwa zaidi kuwahi kutokea katika nchi ya Tanzania kwani alijizolea asilimia 64.28 ya kura zilizopigwa na kumfanya kuendelea kuongoza kwenye orodha ya wakongwe wa Tanzania
Ngasa alianza kuichezea Stars 2005 ambapo alicheza michezo 100 ya kimataifa na kufunga magoli 25
Licha ya Mbawana Samatta na Simon Msuva kuonekana kuwa ni washambuliaji hatari kwa sasa, lakini hawakufua dafu kwa Ngasa
Samatta ambaye ni nahodha wa Taifa Stars, anashikilia rekodi ya kuwa nahodha wa pili kuiongoza Stars kufuzu mashindano ya mataifa ya Afrika (Africon) tangu 1980
Msuva anaeshikilia rekodi ya kuwa mtanzania wa kwanza kufunga bao kwenye michuano ya Africon 2019 hakupata kura hata moja kutoka kwa wasomaji wakati Samatta alishika nafasi ya pili kwa asilimia 32.14 nyuma ya Ngasa
