Katibu Mkuu wa Wizara ya Habari, Utamaduni, Sanaa na Michezo Dk Hassan Abbasi amesema wako katika hatua za mwisho za maandalizi kabla ya kuruhusu ligi kuu ya Vodacom kurejea kumalizia mechi zilizobaki
Dk Abassi amesema juzi Jumatatu walikuwa na kikao cha pamoja na BMT, TFF, TPLB na Rais wa zamani wa TFF Leodegar Tenga kujadili mustakabali wa lig hiyo
"Kikao chetu kilijikita kajadili taratibu ambazo tunapaswa kuzitumia pale Rais Dk Magufuli atakaporuhusu shughuli za michezo kurejea nchini," amesema
Aidha Dk Abassi amesema kama mashabiki wataruhusiwa kuingia viwanjani, wamejadili utaratibu ambao watalazimika kufuata kwa ajili ya tahadhari
Lakini pia wamejadili ni aina gani ya watu watapaswa kuingia viwanjani iwapo Serikali haitaruhusu mashabiki kuingia
Hata hivyo DK Abassi amesema tarehe rasmi ya ligi hiyo kurejea bado haijafahamika lakini amewahakikishia wadau wa soka nchini kuwa Serikali imedhamiria kurejesha ligi hiyo mapema
"Tunataka kuona washindi wa ligi wanapatikana uwanjani na sio vinginevyo," amesema
