Nahodha wa zamani wa Yanga Nadir Haroub 'Cannavaro' ambaye baada ya kustaafu alikuwa Meneja wa timu hiyo, ametaja sababu iliyomfanya aache majukumu yake katika klabu hiyo aliyoitumikia kwa heshima kubwa
Nadir ambaye anashikilia rekodi ya kucheza muda mrefu pamoja na kunyanyua mataji mengi akiwa na Yanga, amesema hakuwa akikubaliana na utaratibu uliokuwa ukitumiwa na aliyekuwa kocha wa Yanga Mwinyi Zahera
Mkongwe huyo kutoka visiwani Zanzibar amefichua kuwa hakuwa akifurahishwa na tabia ya Mcomani huyo ambaye alikuwa akianiaka masuala mengi ya Yanga kwa Wanahabari
"Mimi nilijiondoa mwenyewe ndani ya Yanga, sikufukuzwa. Kama Meneja wa timu baada ya kuona tunatofautiana sana na aliyekuwa kocha mkuu kipindi kile Mwinyi Zahera kwa kuwa alikuwa akiweka sana wazi mambo ya timu kwa waandishi wa habari," alisema
"Baadhi ya masuala yanapaswa kujadiliwa na viongozi na kuyapatia ufumbuzi ndani na sio kwenda kuyatangaza kwa waandishi wa habari"
Nadir kwa sasa ni Meneja wa timu ya Taifa ya Tanzania 'Taifa Stars' akiwa sehemu ya kikosi kilichofuzu fainali ya michuano ya CHAN kwa wachezaji wanaocheza ndani
Fainali hizo ambazo zilipaswa kufanyika nchini Cameroon, zinasubiri kumalizika kwa changamoto ya ugonjwa wa corona
