Patrick Sibomana ni miongoni mwa wachezaji ambao wamekuwa na mchango mkubwa kwenye kikosi cha Yanga msimu huu
Akiwa amehusika moja kwa moja kufunga mabao matano kwenye ligi, 'PS' ametoa pasi tatu za mabao lakini pia ana mabao mawili kwenye michuano ya ligi ya mabingwa
Pamoja na kuwa na wakati mgumu kupata nafasi kwenye kikosi cha kocha Luc Eymael, lakini hilo haliondoi ukweli kuwa PS bado anao uwezo wa kuisaidia Yanga
Nyota wapya ambao watasajiliwa Yanga wataifanya timu iwe imara, lakini uwepo wa wachezaji kama Sibomana, utaifanya Yanga iwe imara zaidi
Sibomana alitua Yanga akisaini mkataba wa miaka miwili kutoka klabu ya Mukura Victory, bila shaka Yanga itampa nafasi ya kumaliza mkataba wake licha ya uwepo wa tetesi kuwa anaweza kuwa miongoni mwa wachezaji wa kigeni ambao watapunguzwa ili kupisha usajili mpya
