Mtendaji Mkuu wa Bodi ya Ligi Almas Kasongo amesema makocha wa vilabu vinavyoshiriki ligi kuu wasiwe na wasiwasi kwani watapewa muda wa kuziandaa timu zao kabla ya ligi kurejea
Baada ya Rais Dk John Magufuli jana kutangaza kuwa anafikiria kuruhusu shughuli za michezo wiki hii, wadau wa soka wamekuwa na shauku kusikia ni lini ligi hiyo itarajea
"Kwa sasa tunaendelea na maandalizi, kwa kiasi kikubwa tuko tayari, kinachosubiriwa ni ruhusa ya Serikali tu. Tutazipa timu muda wa kufanya maandalizi kabla ya mechi kuanza kuchezwa. Hatuwezi kuanza moja kwa moja tu, hivyo niwatoe hofu makocha, watakuwa na nafasi ya kuandaa timu zao," amesema Kasongo
Nae Mwenyekiti wa Bodi ya Ligi Steven Mguto amesema tayari wameanza kulipa madeni ya Waamuzi baada ya kupokea fedha za FIFA
Mguto amesema wamejipanga kumalizia ngwe iliyobaki kuhitimisha msimu wanachosubiri ni tuhusa ya Serikali
