Baada ya kusubiri kwa zaidi ya miezi miwili, hatimaye mashabiki wa soka wanakaribia kuwashuhudia nyota wa timu zao wakirejea dimbani kumalizia msimu
Timu tayari zimeruhusiwa kuanza maandalizi ya pamoja ambapo leo mabingwa wa kihistoria Yanga wanaanza na zoezi la kupima Afya
Aidha mabosi wa Yanga wakiongozwa na Mwenyekiti Dk Mshindo Msolla akiwa na wadhamini GSM, watakuwa na kikao maalum na wachezaji kujadili mkakati wa kumaliza msimu 'kibabe'
Mabingwa hao wa kihistoria wanasubiri mwongozo wa Serikali kuhusu utaratibu na tahadhari ambayo wanapaswa kuchukua pale watakapoanza rasmi mazoezi
Pengine wiki ijayo mikikimikiki ya Ligi Kuu huenda ikarejea, Yanga ikitarajiwa kushuka dimbani mapema kumaliza viporo ili kwenda sambamba na timu nyingine ambazo zimecheza mechi 28, 29 na 30 huku Yanga ikiwa imeshuka dimbani mara 27
