Keshokutwa Jumamosi, May 30 klabu ya Yanga inakwenda kuweka rekodi kwa kuwa timu ya kwanza Barani Afrika kufanya kazi na waendeshaji wa ligi bora duniani, Ligi Kuu ya Hispania, La Liga
Ndio! Mkataba wa makubaliano baina ya Yanga na La Liga utasainiwa Hoteli ya Serena ikiwa ni ishara ya ufunguzi wa mchakato wa Mabadiliko ya mfumo wa uendeshaji wa klabu ya Yanga
Yanga wamewaleta La Liga nchini kwa kazi moja tu, kutengeneza mfumo wa uendeshaji ambao utakuwa na tija kwa mabingwa hao wa kihistoria
Shukrani za kipekee ziwaendee kampuni ya GSM, ambao wamedhamini mchakato mzima kuanzia hatua za awali
Kabla ya makubaliano na La Liga, Yanga ilimleta mtaalam kutoka nchini Ureno, Antonio Pinto aliyewahi kufanya kazi katika klabu ya Benfica kwa zaidi ya miaka 10
Hata hivyo mapendekezo yake yalionekana kutokuwa na tija kwa klabu ya Yanga hivyo GSM kuelekea Hispania kufanya mazungumzo na La Liga
La Liga wamefanya kazi na vilabu zaidi ya 40, kwa Afrika Yanga inakuwa klabu ya kwanza
Mwenyekiti wa Yanga Dk Mshindo Msolla anaamini mchakato huo utakapokamilika, Yanga itakuwa mfano na sehemu ya kujifunza kwa vilabu vingine barani Afrika
