Unaweza kusema huko Jangwani neema inarejea kwa kasi baada ya miaka mitatu ya machozi, jasho na damu..!
Ndio! tangu alipojiuzulu aliyekuwa Mwenyekiti Yusufu Manji ambaye pia alikuwa Mfadhili wa mabingwa hao wa kihistoria, hali ya kiuchumi haikuwa ya kuridhisha
Lakini uongozi wa Mwenyekiti Dk Mshindo Msolla na ujio wa GSM, ndani ya muda mfupi, umeifanya Yanga iwe timu inayowavutia wachezaji wengi kujiunga nayo
Mwishoni mwa wiki hii mabingwa hao wa kihistoria watasaini mkataba wa ushirikiano na kampuni ya La Liga inayosimamia ligi kuu ya Hispania
Kampuni hiyo imepewa kazi ya kusimamia mchakato wa mabadiliko mfumo wa uendeshaji Yanga, wakitarajiwa kupendekeza mfumo ambao Yanga itautumia
Sasa wakati dirisha la usajili likisubiri kumalizika kwa mechi za viporo ligi kuu, Dk Msolla amefichua kuwa wana orodha ya wachezaji zaidi ya 40 ambao kupitia Mawakala wao, wameomba kusajiliwa na Yanga
"Tuna orodha ndefu ya wachezaji ambao wameomba tuwasajili na wengine Mawakala wao wakileta maombi. Hatutakurupuka kwenye usajili kwani tunafahamu nini tunakitaka kuelekea msimu ujao," alisema Dk Msolla
Aidha Dk Msolla amesema wamejipanga kufanya usajili wa maana na watahakikisha wanamsajili mchezaji yeyote ambaye amependekezwa na kocha Luc Eymael
