Moja ya wadhamini wa klabu ya Yanga kampuni ya GSM, wamesema wakiwa wanafamilia wa Yanga, watashiriki kwenye ujenzi wa uwanja wa klabu hiyo Kigamboni
Mkurugenzi wa uwekezaji GSM Mhandisi Hersi Said, amesema kama kampuni hawana mkataba na Yanga katika ujenzi wa uwanja huo lakini wana uwakilishi kwenye Kamati ya Miundombinu ambayo inasimamia mchakato mzima
"Tayari mchoro wa viwanja viwili (cha nyasi asili na bandia) kwa ajili ya mazoezi iko tayari, pamoja na kuwa Hatuna mkataba wa kujenga uwanja kigamboni Ila sisi kama GSM tutasaidia na kupitia kamati inayohusika na ujenzi kila kitu kitaenda sawa. Tunamshukuru sana Mkuu wa mkoani wa Dar es salaam Mh Paul Makonda kwa kutupatia eneo la Kigamboni," amesema Hersi
Uongozi wa Yanga umedhamiria kukamilisha viwanja hivyo kwanza ili kuanzia msimu ujao waweze kuvitumia kwa ajili ya mazoezi wakati mchakato wa ujenzi wa uwanja mkubwa ukiendelea
