Uongozi wa Yanga umeweka mkakati wa kuhakikisha ubingwa wa kombe la FA unaelekea Jangwani msimu huu
Yanga itacheza na Kagera Sugar katika mchezo wa robo fainali ambao utapigwa uwanja wa Taifa, Juni 28
Baada ya matumaini ya kutwaa ubingwa wa VPL kufifia, mkakati uliopo ni kushinda FA ili kupata nafasi ya kushiriki michuano ya CAF msimu ujao
Mkurugenzi wa Uwekezaji GSM Mhandishi Hersi Said ambaye tangu mwaka jana, kampuni yake imeweka utaratibu wa kutoa 'bonus' kwa wachezaji wa Yanga katika baadhi ya mechi wanazoshinda, amesema wamepanga kuendeleza utaratibu huo hasa kwa michuano ya kombe la FA ili kuhakikisha wanashinda taji hilo
"Ligi itakaporejea, utaratibu wa kutoa bonus kwa wachezaji tutaendelea nao lakini sasa tutaweka mkazo zaidi kwenye michezo mitatu ya kombe la FA iliyobaki," alisema Hersi
"Kuna fungu kubwa limeandaliwa kwa ajili ya bonus za wachezaji ili kuhakikisha wanashinda taji la FA"
Kama Yanga itaiondoa Kagera Sugar, hatua ya nusu fainali itakutana na mshindi wa mchezo kati ya Simba dhidi ya Azam Fc
Mchezo wa fainali utapigwa Rukwa mwishoni mwa mwezi Julai dimba la Nelson Mandela
