Kocha Msaidizi wa Yanga Charles Mkwasa amekiri vijana wake walizidiwa kimbinu na KMC hivyo kukubali kipigo cha mabao 3-0 katika mchezo wa kirafiki uliopigwa uwanja wa Uhuru
Mkwasa amesema vijana wake bado hawako fit, ukilinganisha na wapinzani wao KMC ambao wao walianza mazoezi mapema kuliko wao
"Ni kweli tumepoteza mchezo, ukiangalia ni makosa yetu sisi wenyewe yaliyopelekea tuadhibiwe. Mchezo huu umetusaidia kubaini mapungufu yetu na tutayafanyia kazi kabla ya ligi kurejea," amesema
"Niwapongeze wenzetu pamoja na kuwa wamefanya mazoezi kwa muda mrefu ukilinganisha na sisi ambao tumefanya mazoezi kwa wiki moja tu. Tunahitaji kuongeza nguvu pamoja na mazoezi mengine"
Yanga haikuwa na mchezo mzuri kabisa jana, safu ya ulinzi wakifanya makosa mengi huku safu ya ushambuliaji ikishindwa kufurukuta mbele ya walinzi wa KMC
Pengo la wachezaji Bernard Morrison, Papy Tshihimbi na Lamine Moro lilionekana dhahiri
Mkwasa aliwaweka nje Morrison na Moro ili kuwaepusha na majeraha zaidi kabla ya mchezo dhidi ya Mwadui Fc
Wachezaji hao walipata majeraha madogo kwenye mazoezi ya Yanga
Tshishimbi bado hajarejea uwanjani, anaendelea na matibabu ya jeraha la goti
