Mshambuliaji wa Yanga David Molinga amesisitiza kuwa hakugoma kwenda Shinyanga kama ilivyoelezwa bali hakuwa miongoni mwa wachezaji waliotajwa na kocha msaidizi Charles Mkwasa kuwemo katika safari hiyo
Yanga imeondoka Alfajiri ya leo kwenda Shinyanga ambako siku ya Jumamosi inakabiliwa na mchezo wa ligi kuu dhidi ya Mwadui Fc
Mcongoman huo ameeleza kutofurahishwa na tuhuma nyingi anazoendelea kusukumiwa akiahidi ataondoka baada ya mkataba wake kumaliza
Mkataba wa Mcongomani huyo na Yanga unamalizika mwezi August mwaka huu
"Molinga atapita Yanga itabaki, hakuna haja ya kuchafuliana majina, tusubiri miezi miwili iishe ili tumalizane, kila mtu atapita tu Yanga," amesema Molinga
Mcongomani huyo ndiye kinara wa mabao kwenye kikosi cha Yanga msimu huu akiwa amefunga mabao tisa, nane kwenye ligi na moja kwenye michuano ya kombe la FA (ASFC)
Jina la Molinga limo kwenye orodha ya mwisho iliyotolewa na Yanga, kikosi kilichopaswa kusafiri kwenda Shinyanga
