Mshambuliaji kinara wa mabao kwenye kikosi cha Yanga David Molinga, amewataka mashabiki wa timu hiyo kujitokeza kwa wingi kwenye mchezo wa ligi kuu dhidi ya Ndanda Fc ambao utapigwa kesho Jumamosi kwenye uwanja wa Taifa
Molinga amesema hana tatizo na mashabiki wa timu hiyo, yale yanayotokea uwanjani huwa hayamsumbui
"Mimi huwa napenda kuwa muwazi, sina tatizo na mashabiki kwani naangalia zaidi majukumu yangu. Hatujashinda michezo mitatu iliyopita hivyo sisi kama wachezaji tunahitaji kupambana kuweza kupata ushindi," Molinga aliiambia Yanga TV
"Nawaalika mashabiki waje kwa wingi uwanjani kuja kusapoti timu. Pia wafahamu kila mchezaji ambaye yuko hapa, yuko kwa ajili ya kuipigania Yanga," alisema
Molinga ameifungia Yanga mabao 10 kwenye ligi na amesisitiza kuwa anaweza kumaliza msimu na mabao 15 au zaidi kama atapewa nafasi zaidi ya kucheza katika mechi saba zilizobaki
