Erick Kabamba ni mmoja wa wachezaji waliopo kwenye kikosi cha Yanga ambao wana vipaji vya hali ya juu
Kabamba raia wa Zambia, alisajiliwa na Yanga mwezi Januari usajili wa dirisha dogo,amekuwa haonekani mara kwa mara kwenye kikosi cha kwanza kutokana na changamoto za hapa na pale likiwemo suala la majeruhi
Jana alipata dakika 45 kuanza katika kikosi cha kwanza kilichoikabili Kagera Sugar na kufanikiwa kuibuka na ushindi wa bao 1-0
Mzambia huyo mahiri wa kutumia mguu wa kushoto, alifanya vizuri kwa muda mchache aliokuwa uwanjani
Ni mchezaji anayeonyesha kuwa na vitu vingi mguuni, pengine hajapata nafasi ya kutosha kuweka uwezo wake hadharani
Ni bahati mbaya mashabiki wa soka nchini hupendelea wachezaji wanapofika katika timu waanze kufanya vizuri moja kwa moja, lakini kwa hakika huyu Kabamba ni mchezaji mzuri ambaye kama anaweza kupewa muda zaidi atawashangaza wengi
Katika kila mechi aliyopewa nafasi, Kabamba ameonyesha kuwa na kitu katika mguu wake
