Afisa Habari wa Yanga Hassan Bumbuli amesema wamepania kushinda michezo yote mitatu iliyobaki ili kuhakikisha wanamaliza katika nafasi ya pili wapate fursa ya kulipa kisasi kwa watani zao Simba
Kulingana na kanuni za ligi kuu, kama Simba itafanikiwa kutwaa kombe la FA na Yanga ikamaliza kwenye nafasi ya pili, timu hizo zitakutana kwenye mchezo wa Ngao ya Jamii ambao utakaribisha msimu mpya
"Maandalizi ya kuelekea mchezo dhidi ya Mwadui Fc yamekamilika, tumejipanga kushinda mchezo huo na hata ile mingine miwili ili tujihakikishie kumaliza katika nafasi ya pili"
"Tunafahamu kulingana na kanuni za ligi, kama tutashinda nafasi ya pili na watani zetu Simba watatwaa kombe la FA, basi tutaweza kukutana nao kwenye mchezo wa Ngao ya Jamii. Hii itakuwa nafasi kwetu kujiuliza walitufungaje mchezo uliopita," alisema Bumbuli
Yanga itashuka uwanja wa Taifa kesho Jumamosi kuumana na Mwadui Fc katika mchezo ambao watahitaji kuondoka na alama zote tatu ili kuendelea kujikita katika nafasi hiyo ya pili
