Mcongomani David Molinga ni mchezaji aliyekumbana na ukosoaji sana kwenye klabu ya Yanga licha ya kuwa ndiye kinara wa kuzimufania nyavu msimu huu
Molinga amemaliza ligi akiwa na mabao 11 huku akifunga mabao mawili kwenye michuano ya kombe la FA na hivyo kufikisha mabao 13
Ni wazi, mahitaji ya Yanga kutoka kwake yalikuwa zaidi ya huduma aliyoitoa, lakini nyota huyo anastahili kupongezwa kwani kufunga mabao 13 katika msimu wa kwanza sio jambo dogo..!
Kwenye ligi, amehusika katika michezo 28 kati yake akicheza dk 90 michezo 10. Pamoja na kufunganga mabao 11, Molinga ametoa pasi tano za magoli
Hatma yake iko mikononi mwa viongozi wa Yanga, lakini kwa hakika kama atabakishwa pengine msimu ujao anaweza kufanya vizuri zaidi
Hii ni kutokana na kuwa ameshapata uzoefu wa ligi na atakuwa akifahamu nini anapaswa kufanya
Mkongwe, beki wa zamani wa Yanga Bakari Malima 'Jembe Ulaya' amesema anaamini Molinga anastahili kuongezewa mkataba Yanga
Mkataba wake unamalizika wiki ijayo na zipo taarifa kuwa ataelekea kwa miamba wa soka nchini Morocco RS Berkane kama atakosa mkataba mpya Yanga
