Pamoja na wengi kutamani kumuona mshambuliaji Yusufu Mhilu akirejea 'nyumbani', jambo hilo halionekani kukamilika baada ya Kagera Sugar kufanikiwa kumuongezea mkataba
Katibu Mkuu wa Kagera Sugar Ally Said amesema Mhilu ni miongoni mwa wachezaji waliofanikiwa kuwaongeza mikataba na atakuwa na wakata miwa hao kwa misimu mingine miwili
Tayari Yanga imeweza kumn'goa kiungo mkabaji Zawadi Mauya kutoka klabu hiyo ya Kagera Sugar
Kwa nyakati tofauti ilihusishwa kutaka kumrejesha Mhilu, aliyelelewa Yanga B kabla ya kupandishwa kikosi cha kwanza na Hans van Pluijm wakati huo akiwa kocha mkuu wa Yanga
Hata hivyo, mwezi Januari mwaka 2019 Yanga ilimtoa Mhilu kwa mkopo kwenda klabu ya Ndanda Fc kabla ya kujiunga na Kagera Sugar kwa mkataba wa mwaka mmoja katika dirisha la usajili la msimu uliomalizika
Yanga imemsajili mshambuliaji mzawa Waziri Junior, na pengine kuachana na mpango wa kumsajili Mhilu
