Afisa Habari wa Yanga Hassan Bumbuli amesema baada ya anga kufunguka, nyota wa kigeni waliosajiliwa wataanza kuwasili wakati wowote
Bumbuli amewaweka mashabiki mkao wa kuwapokea nyota wao wa kigeni waliomwaga wino kuwatumikia mabingwa hao wa kihistoria
Tayari inafahamika mshambuliaji Yacouba Sogne anakuja, mwenyewe alithibitisha kuwa alisaini mkataba wa miaka miwili
Lakini kumekuwa na tetesi za muda mrefu kuwa miongoni mwa wanaosubiriwa ni nyota wawili kutoka klabu ya AS Vita winga Tuisila Kisinda na kiungo mkabaji Mukoko Tonombe ambaye anatajwa kuchukua nafasi ya Papy Tshishimbi aliyeonyeshwa mlango wa kutokea baada ya 'kuringa' kusaini mkataba mpya
"Nani anafuatia? Ahsante Agost 15, kwa kufungua Anga," ujumbe wa Bumbuli alioweka kwenye ukurasa wake wa mtandao wa kijamii
