Awali Yanga ilihusishwa kumuwania beki wa kushoto wa Rayon Sports, Erick Rutanga
Kwa nyakati tofauti, Rutanga mwenyewe alithibitisha kupewa mkataba wa awali na mabingwa hao wa kihistoria
Hata hivyo ujio wa mlinzi mahiri Yassin Mustafa ni kama umebadili upepo, baada ya mabosi wa Yanga kuachana na Rutanga
Ni kutokana na kiwango kizuri anachoonyesha Yassin kwenye mazoezi ya Yanga
Ni wazi msimu ujao, atapishana kule upande wa kushoto na Adeyum Saleh, mmoja wa wachezaji walionusurika na panga kali lililopitishwa na Yanga kwa kuacha wachezaji 17
Kwa sasa hapa Tanzania ukizungumzia walinzi mahiri wa kushoto, huwezi kukosa kutaja jina la Yassin
Kiwango kizuri alichoonyesha akiwa na Polisi Tanzania, kimemuhakikisha mkataba mnono kutoka kwa Mabosi GSM
Yanga haikuanza kumfuatikia Yassin dirisha hili la usajili, tangu mwezi Januari alikuwa kwenye rada za mabingwa hao wa kihistoria
Kama mambo yangekwenda vizuri, pengine angesajiliwa kabla ya Adeyum
Huu utakuwa msimu wake wa kwanza Yanga, mashabiki wakiwa na matumaini makubwa kutoka kwake
