Afisa Habari wa Yanga Hassan Bumbuli amesema siku ya kilele cha wiki ya Mwananchi huenda wakacheza na timu kutoka nchini Burundi
Bumbuli amesema changamoto iliyosababishwa na ugonjwa wa corona, imepelekea kuwa na ugumu kupata timu nchi nyingi zikiwa na 'lockdown'
"Lengo letu ilikuwa ni kucheza na timu kutoka nje ya Afrika ambayo ni Sevilla, (Mabingwa wa Europa) hata hivyo kumekuwa na ugumu kuwapata kutokana na lockdown huko Hispania," alisema
"Pia tumejaribu kuwasiliana na timu za Afrika Magharibi, Afrika kusini, Zambia na hata Zimbabwe lakini tatizo ni lockdown
"Tukajaribu Rwanda bado changamoto ni hiyohiyo angalau Burundi kumekuwa na unafuu wa kupata timu hivyo pengine tunaweza tukacheza na moja ya timu kutoka nchi hiyo," alisema Bumbuli
Moja ya timu ambazo Yanga iliwasiliana nao katika ukanda huu wa Afrika Mashariki ni Rayon Sports kutoka Rwanda, lakini ni dhahiri mpango wa kuwapata utakuwa umekwama
