Mshambuliaji mpya wa Yanga Michael Sarpong ameeleza furaha yake baada ya kukamilisha usajili na mabingwa hao wa kihistoria
Sarpong (24) alisaini mkataba wa miaka miwili jana ambao utamfanya abakie Jangwani mpaka mwaka 2022
Ujio wa Mghana huyo aliyeitumikia Rayon Sports msimu uliopita, ulikuwa kama tetesi lakini baada ya kutua mwenyewe ameeleza kushitushwa na mapokezi aliyopata
"Tangu nilipokuwa Kumasi (Ghana) nilikuwa nikiona shamrashamra zilizokuwa zikiendelea hapa. Sikuwahi kushuhudia tukio la kupokewa na idadi ile ya mashabiki uwanja wa ndege, hii ni mara yangu ya kwanza"
"Nimekuja hapa kufanya kazi, tuna malengo makubwa msimu huu, kwa ushirikiano wetu pamoja na usaidizi wa Mungu tutaweza kufanikiwa," alisema Sarpong
Sarpong alikuwa mfungaji bora wa ligi kuu ya Rwanda msimu wa 2018/19 akifunga mabao 16 akiwa na klabu klabu ya Rayon
Msimu wa 2019/20 alifunga mabao nane, hata hivyo alicheza nusu ya msimu tu baada ya kutokea sintofahamu baina yake na uongozi wa Rayon na hivyo kufikia makubaliano ya kuvunja mkataba wake
Ametua Yanga akiwa mchezaji huru akiungana na nyota wengine wa kigeni waliosajilwa, Yacouba Sogne, Tonombe Mukoko, Tuisila Kisinda, na Carlinhos
