Mshambuliaji mpya wa Yanga yacouba Sogne bado anasubiriwa kujiunga na mabingwa hao wa kihistoria
Nyota huyo anatarajiwa kuwasili Alhamisi au Ijumaa kujiunga na wenzake baada ya kuomba udhuru kwa uongozi wa Yanga
Afisa habari wa Yanga Hassan Bumbuli amesema licha ya lockdown kumalizika Burkina Faso, Sogne ambaye alitarajiwa kuwasili leo, aliomba siku tatu aweze kuaga familia yake
"Lockdown imeisha Burkina faso, na tulitarajia leo Jumatatu Yacouba atue nchini ila akaomba apumzike na kuiona familia yake kwa muda siku tatu hivyo tutarajie kumuona mshambuliaji wetu mpya Yacouba Songne Tanzania siku ya Alhamisi," amesema Bumbuli
Mpaka sasa ni wachezaji wawili wapya wa kigeni ambao bado hawajajiunga na wenzao, Sogne na carlinhos kutoka nchini Angola
Carlinhos anatarajiwa kuwasili kesho Jumanne, saa saba mchana
