Klabu ya Yanga imekamilisha ujenzi wa duka lake la kisasa katika jengo la Makao Makuu ya klabu hiyo ambalo litauzwa jezi pamoja na bidhaa mbalimbali za Yanga
Duka hilo zitazinduliwa sambamba na uzinduzi wa jezi mpya kwa ajili ya 2020-21, taratibu za uzinduzi huo zikiendelea
Afisa Mhamasishaji wa Yanga Antonio Nugaz amesema kuzinduliwa kwa duka hilo kutaifanya Yanga kuwa klabu pekee hapa nchini kuwa na duka la aina hiyo katika jengo la Makao Makuu yake
"Tutaandika historia nyingine kwa kuzindua duka la kisasa pale Makao Makuu ya klabu. Uzinduzi huu utatufanya tuwe klabu ya kwanza kumiliki duka la kuuza jezi na bidhaa zake katika jengo lake," alisema Nugaz
Aidha kuhusu uzinduzi wa jezi, Nugaz amewataka Wanayanga wakae tayari kwani wataitisha tukio kubwa kwa ajili ya kuzindua jezi na baada ya kufanya uzinduzi jezi zitaanza kupatikana nchi nzima siku hiyohiyo
