Bado uongozi wa Yanga haujaweka wazi ni lini jezi mpya za klabu hiyo zitazinduliwa
Ligi Kuu inaanza keshokutwa Jumapili, pengine Yanga itaanza msimu mpya wakitumia jezi za msimu uliopita
Afisa Msemaji na Mhamasishaji wa Yanga Antonio Nugaz amewataka mashabiki wawe na subira kwani watazindua jezi hizo karibuni
Aidha Nugaz amewataka mashabiki wajitokeze kwa wingi siku ya Jumapili uwanja wa Mkapa kuiunga mkono timu yao itakapokuwa ikichuana na Tanzania Prisons katika mchezo wa ufunguzi wa ligi msimu wa 2020/21
"Suala la jezi tutawatangazia Wanachama na Mashabiki wetu hivi karibuni, muhimu Jumapili tujitokeze kwa wingi tukaiunge mkono timu yetu ili kuhakikisha tunaanza msimu vizuri," alisema
Awali ilielezwa kuwa jezi hizo zingezinduliwa kabla ya wiki hii kumalizika lakini inaonekana bado ipo changamoto
Wiki iliyopita, Mkurugenzi wa Uwekezaji GSM Mhandisi Hersi Said alisema changamoto ya ndio iliyopelekea jezi hizo kuchelewa
Ikumbukwe huko China bado wanaendelea na lockdown kutokana na ugonjwa wa corona, hivyo mizigo inayotoka nchini humo inachelewa
