Stars hiyooo nusu fainali ya Cosafa

Timu ya Taifa ya Tanzania, Taifa Stars imetinga nusu fainali ya michuano ya Cosafa baada ya kuilaza Afrika Kusini bao 1-0.

Afrika Kusini ndio mabingwa watetezi wa michuano hiyo na wameaga mashindano yanayofanyika kwenye ardhi yao.

Elius Maguri aliyekuwa nyota wa mchezo, alifunga bao pekee la Stars kwenye dakika ya 22 kipindi cha kwanza baada ya kuwazidi ujanja walinzi wa Afrika Kusini wliodhani alikuwa ameotea.

Safu ya Ulinzi ya Stars iliyokuwa chini ya Erasto Nyoni na Salim Bonde pamoja na mlinda lango Aishi Manula wanastahili pongezi za kipekee kwani licha ya Stars kuwa inashambuliwa na Afrika Kusini kwa muda mrefu, uimara wao ulisaidia Stars kutoruhusu bao.

Afrika Kusini ikitumia kikosi cha vijana ilitawala mchezo huo kwa zaidi ya asilimia 60 lakini walikosa mbinu ya kupenyeza mipira ya mwisho.

Stars ambayo ni waalikwa katika michuano hiyo sasa itachuana na Zambia katika mchezo wa nusu fainali utakaopigwa Jumatano ijayo.

Teamsl

Bafana: Pule, Mukumela, Maela, Gordinho, Booysen, Masalesa, Alexander, Norodien (Maboe 78’), Webber, Jordan (Mokate 60’), Moseamedi

Unused subs: Johnson, Bvuma, Malepe, Mvala, Sibiya, Mthethwa, Mbatha

Tanzania: Manula, Gadiel, Nyoni, Mbonde, Mkami, Maguri, Ulimwengu, Daudi Raphael, Shizza, Yasin Said, Kapombe