Ni kazi moja tu Morogoro

Vijana wa Yanga wanaondoka asubuhi hii Ijumaa kuelekea mkoani Morogoro tayari kwa mchezo wa ligi kuu dhidi ya Mtibwa Sugar ambao utapigwa keshokutwa Jumapili katika uwanja wa Jamhuri

Mabingwa hao wa kihistoria, walikamilisha maandalizi yao ya mwisho jana katika viunga vyao vya mazoezi huko Kigamboni

Afisa Habari wa Yanga Hassan Bumbuli amesema ni kiungo Mapinduzi Balama pekee ambaye hatasafiri na timu mkoani Morogoro

Huu ni mchezo mwingine ambao Yanga inakwenda kusaka alama tatu ili kunogesha kampeni yao ya kusaka ubingwa msimu huu