Kama ulidhani ukimya wa Yanga kuhusu sakata la winga Bernard Morrison ulimaanisha kushindwa basi ulijidanganya kwani uongozi wa mabingwa hao wa kihistoria umelitaka shirikisho la Mpira wa Miguu Tanzania (TFF) kuwanyan'ganya Simba pointi za mechi zote walizomtumia Morrison kwani hana mkataba halali na klabu hiyo
Akizungumza na wanahabari jioni ya leo Alhamisi, Makamu Mwenyekiti wa Yanga Fredrick Mwakalebela amesema wamebaini mapungufu kadhaa kwenye mkataba wa Morrison na Simba
Mwakalebela amesema katika mkataba huo uliosainiwa August 14, 2020 hakuna mahali ambapo klabu ya Simba imesaini kuuhalalisha
Lakini pia Mwakalebela amesema wamepata uthibitisho kuwa mkataba wa Morrison na Yanga bado unatambulika FIFA na hata sasa mfumo wa usajili wa FIFA 'TMS' unamtambua Morrison kuwa mchezaji wao halali
Uongozi wa Yanga umeiandikia barua TFF wakiitaka waichukulie hatua klabu ya Simba kwa kumtumia mchezaji ambaye hawana mkataba halali nae
