Kesho Kocha Mkuu wa Yanga Zlatko Krmpotic atakuwa na nafasi ya kutuliza presha ya mashabiki pale kikosi chake kitakapochuka dimbani kuikabili Coastal Union katika mchezo wa ligi kuu ya Vodacom
Mserbia huyo ametimiza mwezi mmoja tangu aanze kuwanoa mabingwa hao wa kihistoria
Hata hivyo pamoja na timu yake kufanya vizuri, bado mashabiki hawaonekani kuridhishwa na kiwango cha timu yao
Tayari kuna majina yanazungumzwa, hivyo ni wazi Krmpotic atahitaji kuhakikisha timu yake inapata ushindi hasa katika michezo miwili inayofuata
Baada ya mchezo wa Coastal Union, mchezo utakaofuata ni dhidi ya Simba
Kama Yanga haitashinda dhidi ya Coastal Union halafu pia ikakosa ushindi dhidi ya Simba, ni wazi nafasi ya Krmpotic kubaki Yanga itakuwa finyu
Ushindi wa mabao 2-0 dhidi ya KMKM haukutosha kuwapa furaha mashabiki wengi wanaotamani kuiona timu yao ikipata ushindi mnono zaidi
Juma Mwambusi ambaye ni kocha msaidizi, alisema kuwa walitumia mchezo huo kuangalia namna ambavyo timu yao inapaswa kucheza
Mwambusi amewahakikishia mashabiki kuwa timu yao inaendelea kuimarika, wakati utafika watafunga idadi kubwa ya mabao
