Kwa dakika chache alizocheza nafasi ya kiungo namba nane akishiikiana na Mukoko Tomombe, fundi Carlinhos aliifanya Yanga itembee zaidi kuelekea lango la Mwadui Fc jana kwenye mchezo wa kirafiki ambao ulimalizika kwa Yanga kuibuka na ushindi wa bao 1-0
Akiwa hana mambo mengi, Carlinhos ni hodari sana kwenye kupiga pasi. Huyu mwamba anagusa mpira mara mbili tu, anatuliza kisha anatoa pasi
Carlinhos ni mchezaji ambaye anaweza kupiga pasi fasaha akiwa umbali wa zaidi ya mita 30! Mguu wa huyu mtu sio wa kawaida
Kwa wastani ametengeneza nafasi ya bao katika kila mchezo ambao amecheza
Kumtumia pembeni nadhani kunaikosesha Yanga ubunifu wake hasa katika kuifanya timu ishambulie kwani ni mchezaji mwenye akili ya kuifanya timu ishambulie, pasi zake anapiga kuelekea langoni kwa adui
Aliyekuwa kocha wa Yanga Zlatko Krmpotic hakuwa na mbinu nyingi, hivyo akimtumia pembeni kwa ajili ya kupiga krosi tu
Lakini Carlinhos ana vitu vingi zaidi ya kupiga krosi na faulo. Anaweza kuchezesha timu na pia anaweza kufunga pia
