Baada ya mchezo dhidi ya Polisi Tanzania ambao utapigwa Oktoba 22, 2020 kikosi cha Yanga kitaelekea kanda ya ziwa ambako watacheza mechi tatu
Oktoba 25 watacheza na KMC uwanja wa CCM Kirumba kisha wataelekea mkoani Mara kuifuata Biashara United mchezo utakaopigwa uwanja wa Karume Oktoba 30
Ni baada ya Shirikisho la Mpira wa Miguu (TFF) kuiruhusu Biashara United kutumia uwanja wake kuanzia leo baada ya kujiridhisha na hali yake
Biashara United ilikuwa ikitumia uwanja wa CCM Kirumba wakati uwanja wake ulipokuwa umefungiwa
Novemba 03 Yanga itaelekea Misungwi Mwanza kuifuata Gwambina Fc timu nyingine ambayo imeruhusiwa kutumia uwanja wake kuanzia leo
Gwambina Fc pia ilikuwa ikitumia uwanja wa CCM Kirumba
Awali ilitarajiwa Yanga ingecheza mechi tatu mfululizo kwenye uwanja wa CCM Kirumba kabla ya kurejea jijini Dar es salaam tayari kwa mchezo dhidi ya Simba Novemba 07
