Mkurugenzi wa Uwekezaji GSM mhandisi Hersi Said amesema wana imani na kocha Cedric Kaze aliyetua usiku wa kuamkia leo akitokea Canada
Hersi amesema baada ya kocha huyo kutua, sasa wanaianza rasmi safari yao ya kusaka ubingwa wa ligi kuu msimu huu
Hersi amewataka mashabiki wa Yanga kumuunga mkono kocha huyo raia wa Burundi ambaye safari yake mpaka kutua Tanzania ilichukua saa 48
"Tunashukuru kocha wetu amefika salama, ilikuwa ni safari ndefu. Binafsi nina imani kubwa sana na kocha Kaze. Baada ya yeye kuwasili, kwa pamoja tunaianza safari ya kuwania ubingwa"
"Lakini jambo moja muhinu, sote tunapaswa kumuunga mkono kocha ili aweze kufanya kazi yake vyema. Tumpe nafasi atimize majukumu yake," alisema Hersi
Kaze anatarajiwa kuwa na mazungumzo na viongozi wa Yanga baadae leo na anatarajiwa kuanza rasmi majukumu yake Jumamosi
