Dk Msolla kuongoza msafara wa Yanga Mwanza

Mapema kesho Jumamosi, kikosi cha Yanga kitaondoka jijini Dar es salaam kuelekea mkoani Mwanza tayari kwa mchezo wa ligi kuu dhidi ya KMC

Mchezo huo utapigwa keshokutwa Jumapili kwenye uwanja wa CCM Kirumba

Afisa Habari wa Yanga, Hassan Bumbuli amesema Mwenyekiti Dk Mshindo Msolla ataongoza msafara wa watu 38 utakaowajumuisha wachezaji, benchi la ufundi na viongozi

Wachezaji wote 25 wa Yanga watasafiri jijini Mwanza kwa ajili ya mchezo huo na mechi nyingine zitakazopigwa kanda ya ziwa