Baada ya ushindi wa mabao 2-1 dhidi ya KMC jana, kikosi cha Yanga kinaendelea kubaki jijini Mwanza kujiandaa na mchezo unaofuata dhidi ya Biashara United
Mchezo huo utapigwa Ijumaa Oktoba 30 kwenye uwanja wa Karume, Musoma
Kikosi cha Cedric Kaze kitakamilisha ratiba ya kanda ya ziwa kwa kuumana na Gwambina Fc Novemba 03 mchezo ambao utapigwa kule Misungwi, uwanja wa Gwambina
Baada ya mchezo huo, Yanga itarejea jijini Dar es salaam kuwasubiri watani zao Simba ambao watakumbana nao Novemba 07
Mabingwa hao wa kihistoria wameanza msimu kibabe wakishinda mechi sita kati ya saba walizocheza
Tangu walazimishwe sare ya bao 1-1 dhidi ya Tanzania Prisons katika mchezo wa kwanza msimu huu, Yanga imeshinda mechi zote zilizofuata
Imejikusanyia alama 19 ikiwa nyuma ya Azam Fc kwa tofauti ya alama mbili
