Msimu wa 2018-19 Simba hawawezi kuusahau katika historia yao kutokana na matukio mawili makubwa
Walifanikiwa kupenya robo fainali ya michuano ya ligi ya mabingwa barani Afrika. Lakini ilikuwa kama bahati kwani ni msimu ambao walichezea vichapo vizito kwelikweli ugenini
Wakati wakifungwa mabao 5-0 na AS Vita kule DR Congo, winga Tuisila Kisinda alikuwemo uwanjani na alikuwa mfungaji wa moja ya mabao hayo
Lakini pia, Kisinda alimfanya uchochoro mlinzi wa kulia wa Simba Shomari Kapombe
Sasa shoo nyingine ya Kisinda itashuhudiwa kesho pale uwanja wa Benjamin Mkapa wakati huu winga huyo mwenye kasi akiwatumikia Wananchi
Akiwa ndani ya kikosi cha Yanga, msimu huu Kisinda ametoa pasi mbili za mabao na mwenyewe kufunga bao moja
Huyu ndiye mchezaji ambaye walinzi wa Simba wanakuna vichwa ni jinsi gani wataweza kumdhibiti
Safu ya ulinzi ya Simba inaundwa na wachezaji wakongwe hivyo ni wazi kasi ya Kisinda upande mmoja na Farid Mussa upande wa pili itakuwa mtihani mgumu kwao
Kina Feisal Salum na Mukoko Tomombe watakuwa na kazi moja tu, kudondosha mipira nyuma ya mabeki hao ili kina Kisinda wafanye yao...!
