Senzo awatoa hofu Wananchi, yuko salama

Baada ya hapo jana kuhojiwa na jesh la Polisi kwa tuhuma za kuihujumu klabu ya Simba, Mshauri wa Yanga Senzo Mazingisa amewashukuru Wanayanga kwa kuwa nae bega kwa bega akiwahakikishia kuwa yuko salama na imara kuwatumikia

Aidha, Senzo ameeleza kusikitishwa na kitendo kilichofanywa na viongozi wa Simba akiamini kimesukumwa na uamuzi wake wa kuachana na kalbu hiyo na kujiunga na Yanga

"Sikuwahi kufikiri kama uamuzi niliochukua kuondoka kwao na kujiunga na Yanga ungewaumiza kiasi hiki. Ni wazi nimewasababishia maumivu kiasi wameamua kunichafua kwa lengo tu la kulipa kisasi. Nashukuru niko salama, nyumbani na niko tayari kuwatumikia Wananchi kwa moyo mmoja"

"Asanteni Wananchi wenzangu , tuko pamoja," alisema Senzo