Keshokutwa Jumapili, kikosi cha Yanga kitashuka katika uwanja wa Benjamin Mkapa kuikabili Namungo Fc ukiwa ni mchezo wa ligi kuu ya Vodacom
Siku tatu baadae, Yanga itaelekea kule Chamazi Uwanja wa Azam Complex kuwakabili vinara wa ligi Azam Fc
Mechi hizi mbili zinaweza kuipeleka Yanga kileleni mwa msimamo wa ligi kama itafanikiwa kushinda zote
Azam Fc wanaongoza ligi wakiwa na alama 25 wakati Yanga wakiwa nyuma yao wakijikusanyia alama 24. Wakati Yanga ikicheza na Namungo Fc, mchezo unaofuata kwa upande wa Azam Fc ni dhidi ya KMC
Aidha, kuelekea mchezo wa Jumapili, Cedric Kaze, Mkufunzi wa Yanga amesema vijana wake wako tayari kupigania alama tatu muhimu ili waendelee kubaki katika nafasi nzuri kwenye mbio za ubingwa msimu huu
Kaze amethibitisha kuwa nyota wake nahodha Lamine Moro na Carlinhos wako fit kuelekea mchezo huo
Lamine alirejea kikosini juzi baada ya kupona majeraha aliyopata kwenye mchezo dhidi ya Simba
Carlinhos alikuwa nje kwa takribani wiki tatu, kabla ya kurejea kwenye mchezo wa kirafiki dhidi ya African Lyon
