Taasisi ya kuzuia na Kupambana na Rushwa nchini (TAKUKURU) inawasiliana na Shirikisho la Soka Barani Afrika (CAF) kuchunguza ushiriki wa rais wa shirikisho la soka Tanzania (TFF) Wallace Karia katika kashfa ya ubadhirifu wa fedha za CAF
Ni baada ya FIFA kumfungia rais wa CAF Ahmad Ahmad kutojihusisha na masuala ya soka kwa miaka mitano kutokana na kashfa ya ubadhirifu.
Inadaiwa Bosi huyo wa TFF ni miongoni mwa wanufaika kwa kupata mgao wa dola 20,000
"Tumewasiliana na CAF, tumeanza uchunguzi, unajua hili suala ni jipya na ndio kwanza tumeanza uchunguzi, siwezi kuahidi itachukua muda gani
"Lazima kila hatua izingatiwe kwenye uchunguzi huu ili kama Karia amehusika na wote walionufaika na ubadhirifu huo waweze kubainika na kuchukuliwa hatua za kisheria," alismea Brig. Jen. John Mbungo, Mkurugenzi Mkuu wa TaKUKURU
Jana TFF ilitoa ufafanuzi wa fedha dola 100,000 walizopokea kutoka CAF ambapo miongoni mwa fedha hizo, Dola 20,000 zilikuwa kwa ajili ya Rais wa TFF ambapo taarifa iibainisha kuwa Karia aliagiza fedha hizo zitumike katika shughuli za maendeleo ya soka nchini
